Glæsileg vorsýning

Vorsýning á verkum nemenda var í dag, 16. maí. Að vanda var margt að sjá og reglulega gaman að skoða fjölbreytt verk sem unnin hafa verið í myndlist, textílmennt, fatasaumi, listasmiðju og á þemaviku um Afríku.

Þá fengu gestir að smakka á bakstri úr heimilisfræði og skoða verk sem unnin voru í iðngreinakynningu sem nemendur í 9. og 10. bekk fengu í FNV auk þess sem nokkur áhugaverð verkefni úr bóklegum greinum voru til sýnis.

Árleg tískusýning nemenda í fatasaumi er orðin ómissandi hluti vorsýningar og í ár, líkt og undanfarin ár, fengu gestir að sjá afrakstur duglegra stúlkna á flottri tískusýningu.

Myndir frá sýningunni eru á myndasíðu skólans.